不批准世界末日：今日就係傳說中馬雅曆法嘅所謂「世界末日」，面對社會上流言紛紛，Emily唔少朋友都不禁喺facebook上問一句「世界末日到了麼？」。不過，立法會主席曾鈺成就話，唔會批准「世界末日」，事關立法會有好多事未傾完。
「有大量事務明年須續會」
話說曾鈺成噚日打算同議員預告下次開會時間之時，無端端突然一臉正經咁講﹕「各位議員，本會尚有大量事務需要處理，明年係必須續會，所以我不能批准明日（指今日）為世界末日。我現在宣布休會，本會2013年1月9日，星期三上午11時正續會。」得在場議員哄堂大笑，甚至拍掌欣賞曾主席嘅幽默感。
曾主席嘅「驚世」片段一出，不但引起網民瘋傳，仲有唔少人留言，認為佢「勁過李氏力場，連末日都擋到」。此外，亦有人話「原來最終拯救咗世界係佢」、「成功爭取取消世界末日」等。有網民仲要求翻譯成英文，一於將呢個消息傳遍國際。
曾鈺成：不批准明日為世界末日
標簽: 不批准世界末日 , 焦點事件
